لا هلا ولا مرحبا ... موعودين معاها قطع ...

[موظفة لايعه جبدها]

السلام عليكم ورحمة الله وبركاته
شلونكم اخواني واخواتي ؟؟؟
الماما داومت يوم الاحد الموافق 19-7-2010م ، واول يوم لها قامت تصارخ على ضباط الامن ياحرام والسبب ليش مايفتحون البوابة لها عشان تصفط سيارتها وشلون مافي واحد منهم يوقف عند الباب ينطرها والكل عارف انها راح اداوم بهاليوم اعوذ بالله وبعدين يسكر البوابة وراها لغايه لما تذلف !!!! يا هانم والله حرام عليكي بتوقفين هالمقاريد بهالحر

ادخلت مبنى الاداره قامت تهاوش رئيس الفراشيين المقرود مادري مصبح بوجه منو ؟؟ اكيد الدلوعه سندس !!!! خخخخخخ
شلون ما اتابع فراشينك وتخليهم يمسحون كل باب انا افتحه ، وهي صاجه شلون يعني ؟؟؟ اذا مافي احد بالمنطقة عنده ذوق يفتح لها الباب "وينك يابو عيد؟؟؟ مخلي الغاليه بنفسها تفتح الباب" وبالذات انها توها راده من لندن تعودت على الجو اللندني ونست جو الديره ؟؟؟
بس حبيبتي بغيت اقولج ترا الردى مو من الفراش الشرهه على موظفاتج الرفلات ولا صج مايدرون عن شي بالادارة لان من طلعتي اجازتج وكل وحده اطق البصمه واتوكل على الله
قام المقرود وقالها مدام انا افتح لج الباب "بس فكيني من حنتج قطع يقطعج انتي ومنى وتماضر وموضي !!!!"

وثاني يوم لها اجتمعت بجميع مراقبين المنطقة التعليمية "حقها طبعا مدير عام بالانابه الازليه وصارلها فتره عن المنطقة اللي مادري منو داعي عليها " ،، لكن في سؤال يا ست لطيفه العجيبه يدور في بالي شدعوه اجتماعج من الساعه 9 إلى 1 ونص !!!! ليش السجن هذا والله ظييييييييييم ؟؟؟!!!!! حتى دوام المناطق يخلص الساعه 1 انتي ماخذه نص ساعه زياده ليييييييش !!!!
وسبحان الله اليوم الثالث "اللي هو امس " كانت باجتماع بالوزارة من الصبح إلى نهاية الدوام وطبعا اليوم اللي ماتكون موجوده فيه بالمنطقة الكل مرتاح وعارفين من الموظفين المنافقين اللي عندها ان لطفية العجيبه مو موجوده...

تصدقون انا عندي احساس ان الوزيره مويضي علف ناطرتها ليما يصدر فيها قرار تثبيت كمدير شئون تعليمية وبالذات عرفت انها على شهر اغسطس أو أول سبتمبر هالسنة راح يصدر فيها قرار تثبيت ... والاكيد بقدرة قادر بيصدر فيها قرار ندب مدير عام منطقة الجهراء التعليمية ونقول على المنطقة السلااااااااااااام وباي باي يا كفاءة المنطقة التعليمية "مع العلم ان اجنا ماعندنا اسلوب ولا فن التعامل مع المراجعين ولا القياديين "

لا حول ولا قوه الا بالله العلي العظيم

[قلم أحمر]

اي والله لاهلا ولا مرحبا
واحنا موعودين بمنطقة الجهراء بهالاشكال
أدعوا معاي ان الله يعجل بالفرج

	ملاحظة : ليش ما يسوون موظفين المنطقة جدول مناوبة يومي لاستقبال الماما وفتح الأبواب لها الى ان يقضي الله أمرا كان مفعولا

[موظفة لايعه جبدها]

الله كريم ويسهلها ربك يا اخوي ... بس عسى الله يصبرنا عليها لغايه لما يفرجها رب العالمين

[احمد]

تحياتي لايعه جبدها الرجال اسمه عيد مو ابوعيد هههههههه لاتقولين قاعدلي تصحيح

موهذاالمهم

كشف السر الخطير هوالأهم قرارتثبيت مديرعام صاجه فيه ورقمه 30\2009شهر11


ثابت بزمن هزاز,,,,,,,,,,,,,,,,,,,,,,,,,,